REGJISTRIMI I VENDIT TE LIRE TE PUNES

Në vijim do të gjeni një përshkrim të detajuar të hapave që duhen ndjekur për të publikuar një vend të lirë pune:

Hapat që ndiqen për publikimin  e vendit të lirë punës:

1. Regjistrimi i një vendi pune. (“Në përgatitje”)

Për të regjistruar një vend të lirë pune ju duhet të plotësoni informacionin përkatës. Kini parasysh se data e fillimit të botimit dhe data e mbarimit të botimit përcaktojnë ditët në të cilat njoftimi juaj do të qëndroje Online.

Për të regjistruar informacionin mbi vendin e lirë të punës zgjidhni butonin ‘Regjistro vend pune.’ Për të fshirë informacionin e plotësuar dhe rifilluar, zgjidhni butonin ‘Rifillo’.

Ju lutemi vini re : Pas kryerjes së këtij hapi, Vendi i punës i sapo regjistruar ende nuk është i publikuar Online. Ju mund ta gjeni atë duke klikuar në butonin ‘Në përgatitje’ në menunë ‘Administroni’.

Këtu ju keni mundësinë të kontrolloni/modifikoni të dhënat që keni plotësuar për vendin e lire të punës.

2. Modifikimi dhe “Gati për publikim”

Për të ndryshuar informacionin për vendin e lirë të punës zgjidhni butonin ‘Modifiko.’ Nëse ju nuk dëshironi të bëni më ndryshime, zgjidhni butonin ‘Gati për publikim’.

Ju mund ta gjeni vendin e punës duke klikuar në butonin ‘Në pritje për publikim’ në menunë ‘Administroni’.

Ju lutemi vini re: Vendi i punës ende nuk është i publikuar Online, pasi ‘pret’ aprovimin e publikimit nga Administratori i duapune.com.

3. Aprovimi dhe publikimi

Pasi njoftimi juaj të aprovohet nga duapune.com, vendi i lirë i punës do të shfaqet Online. Nga ky moment punëkërkuesit mund të shikojnë dhe të aplikojnë për vendin tuaj të punës. Vendi juaj i punës do të qëndrojë i publikuar Online deri në datën e mbarimit të botimit të përcaktuar nga ju dhe mund ta gjeni duke klikuar në butonin ‘Të publikuara Aktive’ në menunë ‘Administroni'’.

Në çdo kohë, ju mund të shikoni CV-të e aplikantëve të cilët kanë shprehur interes për vendin e punës të postuar nga ju.

4. Anullimi ose mbyllja e një vendi të lirë pune

Nëse vendi i lire i punës është ende në fazën “Në Përgatitje” dhe ju dëshironi ta anulloni, zgjidhni butonin ‘Mbyll pozicion’.

Në këtë rast njoftimi juaj i punës do të gjendet në menunë ‘Administroni’ në butonin ‘Të anulluara’.

Për të mbyllur një vend pune të publikuar Online, para datës së mbarimit, zgjidhni vendin e punës që gjendet në menunë ‘Administroni’ në butonin ‘Të publikuara Aktive’ dhe klikoni në butonin ‘Mbyll pozicion’.

Vendet e punës të cilave u ka mbaruar afati i publikimit ose që ju i keni mbyllur para kohe do të gjenden në butonin ‘Të publikuara Arkivë’.