Përshkrimi

Progeen Shpk është një shoqëri ndërtimi e cila operon në tregun Shqiptar që prej vitit 2013 në fushën e ndërtimit si investitor dhe kontraktor kryesor. Vlerat kryesore të Progeen Sh.p.k janë profesionalizmi, besueshmëria dhe cilësia e lartë e ndërtimit duke përfshirë zgjidhje bashkëkohore në çdo projekt të sajin. Progeen Sh.p.k ndodhet me seli në adresën: Rr.”Shyqyri Berxolli”, Pallati. Intercosat, Nr. 36B, Tiranë, Shqipëri.

Pozicioni: Përgjegjës i Kontrollit të Cilësisë (QA/QC)

Departamenti: Teknik

 Përmbledhja e Pozicionit: Përgjegjës i Kontrollit të Cilësisë është përgjegjës për implementimin dhe mirëmbajtjen e Sistemit të Menaxhimit të Cilësisë, si edhe sigurohet që instalimet në kantier të jenë në përputhje me Politikat e Cilësisë së kompanisë bashkë me standartet kombëtare dhe ndërkombëtare si dhe kërkesat e klientit.

Detyrat

• Organizon dhe ndjek punën për ngritjen e mini laboratoreve dhe kapaciteteve njerëzore në shërbim të projekteve;
• Ndjek ecurinë e projektit për paisjen me dokumentacionin përkates si standarte dhe skeda provash;
• Organizon dhe është përgjegjës për trajnimin e personelit për realizimin e testeve përkatëse në kantier;
• Përcakton tipin e testeve që do të realizohen në kantjer në vartësi të pajisjeve dhe kompetencave për realizimin e tyre;
• Kontrollon në mënyrë periodike provat e kryera nga stafi përgjegjës i kompanisë dhe i asiston ata gjatë kryerjes së tyre;
• Harton programin e kontrollit të cilësisë së materialeve dhe të provave për të gjitha projektet e kompanisë dhe e konsulton atë me projekt menaxheret dhe drejtorin Teknik;
• Ndjek te gjithë proçeduren për realizimin e testeve të materialeve në laboratorët e specializuar të licensuar, që nga marrja e kampjoneve, transportimin e tyre në laborator dhe marrjen e çertifikatës së rregullt të rezultateve;
• Kryen analizën financiare dhe përcakton koston e provave laboratorike që në fazen e projektit dhe propozon rrugët e zgjidhjes për realizimin e tyre brenda limiteve të përcaktuara në preventiv;
• Mban inventarin e pajisjeve laboratorike dhe kontrollon funksionimin e mirë të tyre;
• Ndihmon në zgjidhjen në kantjer të problemeve të sektorit që mbulon;
• Bashkëpunon ngushtë me Drejtuesit e kantierit për miratimin e cilësisë së materialeve që përdor kompania gjatë zbatimit të projektit;
• Kryen kontrolle periodike në kantjer për të vlerësuar rëndësinë e cilësisë së materialeve dhe të sigurisë në punë;
• Raporton në mënyrë të detajuar për çdo vizitë në kantjer tek Projekt Menaxheri dhe Drejtori Teknik;
• Përgatit brenda një dite pas kthimit nga kantjeri raportin me shkrim për Drejtorin Teknik dhe Projekt Menaxherin përkatës.

Kualifikimet

Edukimi: Diplomë në Inxhinieri Ndërtimi.

Eksperienca: Eksperiencë pune 3-5 vite.

Aftësi të tjera:

• Aftësi shumë të mira menaxhuese, organizative, planifikuese, projektuese dhe komunikuese;
• Njohuri në përdorimin e programeve kompjuterike (CAD, EXEL, MS-PROJECT);
• Aftësi për të punuar në skuadër dhe koordinim i punës.

Shënime

Përfitimet:

• Një ambient mikëpritës dhe dinamik ku keni mundësi dhe hapësirë për tu rritur profesionalisht;
• Një pozicion pune tërheqës ku të ofrojmë mundësinë për të qënë pjesë në projekte sfiduese;
• Mentorim dhe mbështetje për zhvillimin tuaj personal dhe profesional;
• Paga konkuruese në treg;

Mënyra e aplikimit:

Të interesuarit të dërgojnë CV-në në adresën: [email protected] (duke specifikuar në subjekt të e-mail-it titullin e pozicionit) ose nëpërmjet modulit të websitit.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”