Përshkrimi

ITD sh.p.k. eshte nje kompani Distributore e Teknologjive IT, te prodhuesve nderkombetare si HP, Dell, Lenovo, Cisco, Fortinet, Check Point, etj me mbi 30 vite eksperiencë në treg.

Klientët e ITD në segmentin Enterprise janë kompanitë System Integratore në IT dhe ato që shesin në B2B.

Kërkohet punesimi i Drejtor të Shitjeve Enterprise, me eksperiencë të konsoliduar në drejtimin e ekipeve të shitjes, zhvillimin e biznesit dhe menaxhimin e marrëdhënieve me klientët strategjikë, ku prioritet janë ndërtimi i marrëdhënieve afatgjata, identifikimi i mundësive të reja të biznesit dhe realizimi i objektivave të shitjeve.

Detyrat

• Harton dhe zbaton strategjinë e shitjeve Enterprise, duke garantuar realizimin e objektivave dhe rritjen e qëndrueshme të biznesit.
• Drejton, organizon dhe zhvillon ekipin e shitjeve, duke përcaktuar objektiva dhe monitoruar performancën.
• Identifikon mundësi të reja biznesi, zgjeron portofolin e klientëve dhe zhvillon marrëdhënie afatgjata me klientët strategjikë dhe partnerët.
• Mbikëqyr proceset e ofertimit, negocimit dhe kontraktimit, duke siguruar përputhshmëri me politikat tregtare të kompanisë.
• Bashkëpunon me ekipet e produkteve dhe strukturat e tjera për zhvillimin e zgjidhjeve teknologjike që përmbushin nevojat e klientëve.
• Analizon tregun dhe konkurrencën, planifikon shitjet dhe identifikon mundësi për forcimin e pozicionit të kompanisë.
• Monitoron rezultatet dhe raporton periodikisht pranë Drejtimit të Lartë mbi performancën, objektivat dhe zhvillimet e biznesit.
• Bashkëpunon me strukturat e ITD Group për iniciativa strategjike dhe mundësi të reja biznesi në rajon.

Kualifikimet

• Diplomë universitare në Administrim Biznesi, Ekonomi, Teknologji Informacioni ose fusha të ngjashme.
• Minimumi 5 vite eksperiencë në menaxhimin e shitjeve, preferohet në sektorin IT, veçanërisht në produktet dhe zgjidhjet Server, Storage, Security etj.
• Eksperiencë e dëshmuar në drejtimin dhe zhvillimin e ekipeve të shitjes.
• Aftësi drejtuese, planifikimi, negocimi dhe vendimmarrjeje.
• Aftësi shumë të mira komunikimi dhe prezantimi.
• Aftësi për të zhvilluar projekte komplekse, bashkëpunim të ngushtë me Presales dhe krijimi i mundësive të reja të biznesit me rishitesat.

Shënime

• Paketë konkurruese shpërblimi, në përputhje me nivelin drejtues të pozicionit dhe eksperiencën profesionale.
• Skemë atraktive bonusesh, e bazuar në objektiva të qarta dhe në performancën individuale e të ekipit.
• Mundësi zhvillimi profesional, trajnime të specializuara dhe certifikime.
• Angazhim në projekte strategjike në industrinë e Teknologjisë së Informacionit.
• Benefite te tjera nga kompania

Kandidatët e interesuar janë të ftuar të dërgojnë CV-në në adresën: [email protected]

Subjekti: Drejtor i Shitjeve Enterprise (DSHE)

Vetëm kandidatët e përzgjedhur për fazën e mëtejshme do të kontaktohen.

Shënim – Politika e Privatësisë: ITD sh.p.k. deklaron se i përpunon të dhënat personale të aplikantëve në përputhje me legjislacionin në fuqi për mbrojtjen e të dhënave personale dhe aktet përkatëse nënligjore për përpunimin e të dhënave të kandidatëve për punë.